Mbështetësit e Partisë Progresive Serbe të Aleksandar Vuçiqit e kanë sulmuar verbalisht Viola von Cramonin duke e akuzuar se u ka vjedh Kosovën.
Vizita e sotme në Loznicë dhe Gornji Nedeljice e Viola von Cramonit, përfaqësuese e Partisë Gjermane të Gjelbër dhe Parlamentit Evropian, është dashur të jetë një mbështetje për qytetarët e këtij rajoni.
Banorët e kësaj zone është dashur të paraqesin sot problemet e tyre me kompaninë Rio Tinto dhe njoftimet për ndërtimin e minierës. Para se Von Cramon të mbërrinte në Gornje Nedeljice, u shfaqën këshilltarët e SNS-it, me sa duket me qëllimin për të bërë një shfaqje.
Von Cramon arriti në Nedeljivci e shoqëruar nga lideri “Së bashku për Serbinë”, Nebojsha Zelenoviq dhe ajo u prit nga mbështetësit e SNS-së, të cilët u mblodhën para saj dhe filluan të bërtasin “Kosova është zemra e Serbisë” dhe “Nuk do të na e merrni Kosovën”.
Ajo e pranoi me një buzëqeshje dhe pasi i pyeti në anglisht nëse donin të diskutonin diçka me të, ajo mori përgjigjen “Jo me ty. Këtu serbisht, këtu flitet vetëm serbisht. E keni shitur Kosovën, ju lutem. Këtu, Zelenoviq e di, ai është një njeri i arsimuar”, dëgjohen duke thënë mbështetësit e partisë së presidentit serb.
Shikoni videon duke klikuar KËTU.