Në Serbi janë dhënë afro 2.35 milionë doza të vaksinave anti-COVID, ndërsa afro 920 mijë qytetarë serbë kanë marrë edhe dozën e dytë të vaksinës, thotë drejtori i Zyrës për Teknologji Informative në Qeverinë e Serbisë, Mihailo Jovanoviq.
Jovanoviq duke folur në televizionin serb RTS ka thënë se janë afro 620 mijë qytetarë që po presin dozën e dytë të vaksinave, pasi kanë kaluar tri javë nga marrja e dozës së parë.
- Reklama -
Jovanoviq po ashtu ka njoftuar se për tri ditë, në fundin e javës së kaluar, janë vaksinuar më shumë se 22 mijë qytetarë të huaj, të cilët shkuan në Serbi me ftesë të Odës Ekonomike të Serbisë.
- Reklama -