Deputeti i Lëvizjes Vetëvendosje, Dimal Basha, ka thënë se është hera e 24-të që nuk votohet komisioni zgjedhor. Sipas tij, është absurde që për 24 herë shkelet Kushtetuta.
Ai ka shtuar se është e paarsyeshme që deputetët të vijnë në Kuvend dhe të mos e ushtrojnë funksionin e tyre, që është vota.
“Ne i marrim parasysh ato që ndodhin, përfshirë ofertat që vijnë nga partitë tjerë, por është absurde me bë grupe punuese e me marrë ekspertë dhe mos me votu një komision të thjeshtë. E kuptojmë që LDK-ja ka dalë me një propozim. Ne kemi bë një ofertë politike, por LDK e ka refuzu. Cilat nga pikat që i ka bë LDK-ja nuk mund t’i implementojë pa PDK-në. LDK-ja duhet ta mbajë fjalën e dhënë ku kanë thënë se nuk do ta pengojnë konstituimin e Kuvendit. E kuptoj që e kanë rival Albin Kurtin, por për Kuvend nuk e kemi kandidat atë”, ka thënë ai.
Sipas tij, është e patjetërsueshme që të kalohet kjo krizë.