Policia e Kosovës arreston 28 persona gjatë 24-orëve të fundit

Policia e Kosovës ka realizuar 28 arrestime gjatë 24-orëve të fundit në rajone të ndryshme të vendit. Arrestimet janë kryer në raste të ndara dhe lidhen me vepra të ndryshme penale.

Sipas policisë, për të gjitha arrestimet është njoftuar prokurori i shtetit, i cili ka urdhëruar që 11 persona të dërgohen në mbajtje, ndërsa të tjerët janë liruar në procedurë të rregullt, transmeton IndeksOnline.

Autoritetet kanë theksuar se veprimet policore janë pjesë e angazhimeve të përditshme për ruajtjen e rendit dhe sigurisë publike në gjithë territorin e Kosovës.