Një qytetar në Prizren u arrestua ditën e sotme, pasi u kap duke fotografuar fletët e zgjedhjeve gjatë momentit të votimit, raporton TV Prizreni.
Lajmin e ka konfirmuar zëdhënësi i policisë së Kosovës, Baki Kelani, i cili tha se ky është rast i shkeljes së fshehtësisë së votimit dhe ka ndodhur në një qendër votimi në Prizren.
- Reklama -
“Në Prizren është hapur një rast, cenim i fshehtësisë së votimit. Ka vepruar policia së bashku me prokurorinë dhe në konsultim rasti është proceduar në formë të rregullt. Për rajonet e tjera informata të tilla janë hetuar”, tha Kelani.
Procesi i votimit ka nisur që prej orës 7 të mëngjesit dhe sipas raportimeve të fundit, kanë marrë pjesë deri në orën 13:00 19.8% e votuesve./tvprizreni.net/
- Reklama -