Sinovac Biotech ka njoftuar të shtunën se vaksina e tyre prodhuar kundër COVID-19 është aprovuar për pdërdorim të gjerë nga Kina.
Kjo është vaksina e dytë e aprovuar në Kinë për përdorim pas asaj të Sinopharm që u miratua në dhjetor, njofton Klan Kosova.
Të dy vaksinat janë përdorur tashmë në programin e vaksinimit të Kinës që kryesisht kishin në plan të parë vaksinimin e grupeve kryesore që mendohet se janë në rrezik më të lartë të ekspozimit ndaj virusit.
Indonezia, Turqia, Brazili, Kili, Kolumbia, Uruguai dhe Laosi kanë dhënë autorizim urgjent për vaksinën CoronaVac të zhvilluar nga Sinovac Life Science, tha Sinovac në një njoftim për shtyp.
Miratimi për dhënien e dy dozave nga Administrata Kombëtare e Produkteve Mjekësore të Kinës bazohet në rezultatet që kanë dhënë provat në fazat e fundit.